الخميس، 4 أبريل 2019

طار الحمام ..🌏ناصر عطا محمد ✏

... *** طارالحمام *** ...

أدي الولد ...
لما كبر فرد الجناح
رفرف وطار من غير وقار
مسك سلاح
ويقول انا ابن الانا
والحول والقوة انا
شبابي راح ...
وعزولي قام

طار الولد ...
لف البلد بيقول كلام
والحرب تدراي فى سلام
يهتف ضلال زي الحلال
كبر الولد ناسي العلام
والأنف ورمت بالزكام
لا تشم عيب ولاريح غريب
والخل غارق فى العسل
والخال بيضرب في المثل
والعقل نام

العقل نام ...
اقصد مفيش اى احترام
والتوهة واخدة العنجهة
والمصلحة  والمنجهة
تقتل حمام وتقول سلام
ترسم كراهة بالملام
والكدب حرفة للمدام
طار الحمام

طار الحمام ...
العش فاضي .. والكل راضي
اصل الدولار على الحب قاضي
والكره متخبي فى تراضي
واللى حكى واللى اشتكى
كداب وفاضي
واللف عادة في البيوت
والحب مدفون فى التابوت
والمغسلة على باب حسن
اللى سكن جوه الكفن
والحق صوته اندفن
راح الكلام ...
مات السلام

الشاعرناصرعطامحمد
بقلمي Nasser Atta
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)