الدم سال على القضيب 🖌د. عادل رفاعي...💻

الدم سال عالقضيب
دم القريب ويا الغريب
دم الهلال مع دم الصليب
سكت القطر عن الزعيق
وعلا صوت النحيب
لموا الجثث
فين العسس
سكت الكلام
على صوت تحت الركام
دا لسه حى
اوام شيلوه
وانقلوه
طب لسه الاسعاف مجاش
يبقوا عايزين يقتلوه
طب فيه كده
احنا لازم نسعفوه
مفيش طبيب
كان فيه ومات ويا اللى
ماتوا
ودمه سال عالقضيب
كان غريب
كان ياعينى نفسه
يتعين طبيب
مكنش عارف انه شمس
والشمس لازم فى يوم
تغيب
منظر عجيب،،،،
اعملى ياابنى زووم هناك
عالطفل اللى ميت زى الملاك
قرب يابنى من وش ابوه
وهما قاعدين بيحوشوه
حتى بعد الموت عايزين
يحرموه من ضناه
طب سيبوه يلم روحه
جوا روحه وروحوه
ولو حزانا خلوا دمع
العين لهيب واعزروه
وادعوا ربى يرحمه لو
ترحموه
اعملى زوووم عالست اللى
قاعده من غير عنين
فين الأيدين وهدومها فين
والدم ليه مالى المكان
صوت ينادى من بعيد
اسعاف ياناس
والأسعاف ماجاش
اوباش حقيقى
والدم راح ياقلبى ببلاش
واعملى زوووم
عالدموع اللى ماليه عينى
فيه ايه يادنيا بينك وبينى
ليه بتحبى دايما توجعينى
هو انا ناقص وجع
كلمات د/عادل رفاعى
(د/عادل ابو محمد)