الزجل المغربي.. ✏الشاعرة مريم المغربية✅

قصيدة شعبية  الزجل المغربي ....

 هاد الزمان يخوف...
زمان يقولوا عليه غدار..

ناس تايها بين ليل ونهار...
جيل غير جيلنا...

ما نعرفو منين جانا...
كلشي اصبح متوحش...

لا اخلاق لا دين...
لا من يحشم...

الولد تتكلم معاه ...
يغلبك في لكلام...

تقول ليه كون محترم...
يقولك كان زمان...

ما بقا فيه حياء ولا حشمة...
ما بقات جورة تما...

طلع لينا زمان يخوف...
واش هو الي يخوف ...

ولا ناسو تتغول...
ما بقا خوف من الحنان المنان...

ما بقا حكمة بين الاقوام...
ماعادت البنت بنت الدار...

ولا عاد الراجل ولحكام....
.كل ضاع في واد الحرية....

كل تجرأ عليك وعليا...
ضاعت عزة النفس والكرامة...

ضاعت معاها حاجات كريمة...
ياويل زمان غريب علينا...

اشكون الى وصلنا لهاد لغبينة...
الولد يطول الشعر. ويحسن الحاجب....

والبنت تضربها بتحزيمة ...
 ولات الجريمة شانها عظيمة...

يارب الطف بينا من هاد لغبينة...
وخرجنا من الدنيا بلا ذنوب ولا غريمة...

بقلم...مريم الشاعرة المغربية