صرخة شعب بقلم ..ا علاء احمد عبد النبي

...#صرخة_شعب#...
       ************
كلمات/علاء أحمد عبدالنبي
        **************......#مصر

بنصرخ طيب مين يسمع
غلابة  وجراحنا  بتوجع
قدام  العالم دا  بحاله
حدودنا وأعراضنا مطمع

والكل  باصص  للتاني
ولا شعب فينا مش بيعاني
أمراض وحروب .إية تاني
ولا  حد  للحق  بيرجع

بنصرخ طيب مين يسمع

الكل متسلح بجيوش
والضعيف ميعرفهوش
يداس عليه وقت اللزوم
ومعاه يغيروا فى الوشوش

بس ربك هوا  القادر
ع إللى فاكر نفسه قادر
واللي ساقط مش مذاكر
واللى مسيره يوم يخضع

بنصرخ طيب مين يسمع

العالم كله واقف ضعيف
قدام فيروس ضعيف مخيف
مع إن معاهم أقوى سلاح
بس  ربنا   رحيم   لطيف

بيعرفهم   هما   مين
مهما هتعلوا تروحوا فين
هو  الله  رب  العالمين
واحنا كلنا ليه هنرجع

بنصرخ طيب مين يسمع
 غلابة وجراحنا بتوجع
قدام العالم دا بحاله
حدودنا وأعراضنا مطمع