الأربعاء، 17 يونيو 2020

أيه يلي رماك على الحب ..ا. اسامة جديانه

ايه اللي رماك عالحب
مين قال لقلبك يطب
ليه تشغل نبضات القلب
ليه تسرح ويا الاحلام
::::::::::::::::::::::::
ليه تخلي عيونك ماتنام
ليلك كله غرام × غرام
وساعات بتحسها اوهام
وساعات تبكي الانين
:::::::::::::::::::
قلبك يفيض بالحنين
لأم العيون الحلوين
وتقول دي حلم السنين
نار الشوق فكر ومرار
:::::::::::::::::::::
قلبك مشغول ليل ونهار
مناك لقاء وحوار
دايما تلفت الانظار
فكرك انها مشغولة بيك
:::::::::::::::::
نجوم السما تشهد عليك
شط الهوى بيناديك
 موج البحر مناه ودك
كل الوان الجراح
:::::::::::::::::::::::::::
العاشق عمره مايرتاح
لموج البحر بحبه باح
عمره يقضيه سواح
بين الجراح والآهات
                                 (((أسامه جديانه)))
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)