كلنا عرب..بقلم ا🖍احمد محمود عوض سعيد .

تكملة قصيدة كنا العرب
بتسألوا مين السبب
فيه حد غيرنا كان السبب
احنا السبب
لما بعنا البحر والنهر
وينابيع الدهب
لما سلمنا الآ رض والعرض
وكل أمجاد العرب
لما يتمنا الآرض
لجل الغرب تطرح سنابيلهم دهب
لما عظمنا المنافق والمخادع
والمرابى وأبو الدهب
لما ضيعنا العقول
ودفعنا بيهم للهرب
لما صدقنا ان الرضا
بالظلم من حسن الآدب
وبتسألوا ايه السبب
احنا السبب
لما بعنا الدين بدنيا
واحتمينا بابو لهب
وحصرنا قرأنا العظيم
تحت السراير والكنب
وبعدنا عن نهج الرسول
واهل الصلاح صابنا العطب
وتركنا مساجدنا خراب
وشغلنا حفلات الطرب
وفى الملاهى والبارات
أخلاقنا ضاعت والآدب
وخلعنا جلباب الحياء
وان ضاع حياءنا الدين ذهب
ولعادشى وازع فى احترام
لا لشيخ ولا مربى وجب
ومشينا فى درب النفاق
وحياتنا شكلها الكذب
واصبح مثلنا فى الحياه
أهل الفواحش ياعرب
وبتسألوا مين السبب
احنا السبب
لما الميزان مال والزمان
والراس تساوت بالذنب
لما الصغار صاروا الكبا ر
والرأى ليهم والغلب
لما احتمينا بالغريب
ضد القريب شفنا العجب
واتساوم الآخ الغريق
على عرضه سلم للطلب
وقاسمنا فى عرق الآجير
ونسينا من أعطى ووهب
وتاجرنا بالوطن السليب
وبكل أحزان العرب
واتبدل الاخ الكبير
بعد العطاء مال للطلب
ونسينا ايه معنى الكبير
بعد ما بحره نضب
وحاصرنا الدور الخطير
والحكمه ضاعت والادب
واطاول على الدفه الصغار
ظنوا المكانه بالدهب
وبعد ما اصبحنا فتات
جايين تقولوا مين السبب
احنا السبب == احنا السبب

أحمد محمود عوض سعيدكل