همسة حب بقلم يوسف الخواجة

همســــــــــــــــــــــــــــــــــة حـــــــــــــــــــــــــــــــــــــــب :
✽¸.• ♥ ♥•.¸✽¸.• ♥ ♥•.¸✽¸.• ♥ ♥•.¸✽¸.• ♥ ♥•
آســــــــــــــــــــــــــــــــــــــف ياحــــــــــــــــــــــــــــــــــــبيبتى
✽¸.• ♥ ♥•.¸✽¸.• ♥ ♥•.¸✽¸.• ♥ ♥•.¸✽¸.• ♥ ♥•

همسة شوق خدتنى
على جناحك شالتنى
مكان الذكريات
للماضى والآهات
وسنين عمرى اللى فات
لقيتنى باقول بحرقة
أنا آسف ياحبيبتى

✽¸.• ♥ ♥•.¸✽¸.• ♥ ♥•.¸✽¸.• ♥ ♥•.¸✽¸.• ♥ ♥•

لكام ذكرى جميلة
بين زهرات الخميلة
ضاعت بين يوم وليلة
واللى كان لينا فات
والعمر كان ساعات
بين امبارح وبكرة
آنا آسف ياحبيبتى

✽¸.• ♥ ♥•.¸✽¸.• ♥ ♥•.¸✽¸.• ♥ ♥•.¸✽¸.• ♥ ♥•

كتير سقيت ورودك
فى غيابك أو وجودك
ضعت وضاعت وعودك
حكم القدر بفرقة
ولاخنت ولاانتى خنتى
عمرك عندى ماهونتى
أنا آسف ياحبيبتى

✽¸.• ♥ ♥•.¸✽¸.• ♥ ♥•.¸✽¸.• ♥ ♥•.¸✽¸.• ♥ ♥•
صفحة من ذكرياتى
فاكرك فيها ليلاتى
اجمل ايام حياتى
بين امبارح وبكرة
باقية ياأحلى ذكرى
فى قلبى مهما كنتى
أنا آسف ياحبيبتى

✽¸.• ♥ ♥•.¸✽¸.• ♥ ♥•.¸✽¸.• ♥ ♥•.¸✽¸.• ♥ ♥•

سرحت فى لون عينيكى
لقيتنى بكيت عليكى
بكيت كتير لإنى
ماأقدرش أعود إليكى
لكن فى قلبى انتى
صاحبة قصرى واميرتى
أنا آسف ياحبيبتى

✽¸.• ♥ ♥•.¸✽¸.• ♥ ♥•.¸✽¸.• ♥ ♥•.¸✽¸.• ♥ ♥•

لو كان هجرك قرارى
لابإيدى ولا اختيارى
تقبلى اعتذارى
انا عاذرك مهما قلتى
غضبانة او سامحتى
بعد السنين بااقولك
أنا آسف ياحبيبتى
✽¸.• ♥ ♥•.¸✽¸.• ♥ ♥•.¸✽¸.• ♥ ♥•.¸✽¸.• ♥ ♥•

يوسف الخواجه