ساعة الخطر بقلم احمد عفيفي

/سـاعة الخطـر !/
**********
متبعترة قطوفِك
مبقاش قوى شُوفِك
الصبر طوًِل معاكى نسًَاكى
الجحود, ولا فرق
بحاول ابلع ف ريقى لاجل
ما يطرى الكلام ف الحلق
بصرخ واقـول يااااخلق
مين فيكم ح يرقينى
لسًَه الغضب ناززعلى عينى
وانا بمسح دمعه من حفنى
لسه القلق والخوف بيرجفنى
دقً الدفوف مش فرْح مادام
النزيف بقى زياده
وما دام غرامنا وعشقنا للهو
بقى عاده
جاوبينى ياصابرة وبلاش
تقوليلى حدوته منعاده
شطّ البراح بيندهلك وانتى
غفلانة كما العادة
ماشيين ف ضِهرِك ولا احنا
حاسين بالأمان ولا قادرين
على بُعادك ويوم عن يوم
بيهرب حلمنا لبعيد
وانا اللى متعوًَد أقول اسمك
ف غنًِيوه ونشيد
انا لسًَه جندى ومحارب عنيد
بس انتى شاوريلى تلاقينى
واقف من جديد
جُندك ياصابره مش هفق
جُندك أسود متودكين/
ومبيخافوش
م بيسألوش امتى وفين ح
يلبًُوا أمرك والتاريخ شاهد
عليهم والبشر
ايه اللى بينًا موش صريح
وبقى فينا شتات
موات بيخرج من الحياة /
وحياه بتخرج من عدم
ضفًرت من كتر الألم سبجة
ونسجت سجادة صلا
ومن شواشى الأخيله , بنسج
أمانى ف الخلا
ياما نفسى اراقبك ف الشتا
واغسل شوارعك م الحُواه
ونفسى آاااه , لو تسمحى
م بتسمحيش؟ مش ده المهم
مُهم انى احفظ نشيدك جوًَه
روحى واكون حُسامك , أو
شهيدك لمًَا يشتدً الخطر!
*************
الشاعر/أحمد عفيفي
مصر