يا دنيا ليه سبقاني
وخطوتك واسعه
وسط الهموم سيباني
ولغيري مبتسمه
عمري ما قول آه ياني
وكل شئ قسمة
لؤم البشر بكاني
وللنفاق بسمه
ابن الرحم عراني
وللغريب كسوه
واللي مدحته هجاني
وكأنه م النسوه
غدر البشر خلاني
أهجر البسمة
واللي قلبلي كياني
م الفجر للنجمه
كل اللي عارفه أناني
يبيع بكيلوا لحمه
وسط الهموم وداني
وتهت في الزحمه
يخطف لوني ومكاني
وكل شئ يسوه
ولو قصدته رماني
بندالة وبخسه
قرداتي ليه عايزاني
وللقرود قصه
بيقلدو القرداتي
فى الفعل والرسمه
يا دنيا ليه سبقاني
وخطوتك واسعه
.........وائل سعيد.....
ليست هناك تعليقات:
إرسال تعليق