مجلة فضاء الفكر سما الشعرلوردة الشام الشهباء

من كلماتي واشعاري. محمد اسماعيل هلال
وقت الشده الكل يبان
لما بيجي علي الانسان
وقت صعب مين حواليك
ومين علشانك كان زعلان
مين بيطمن ليك ويواسي
ومين كان معاك انسان
مين كان بيبكي عليك
مين مد ايديه لايديك
مين بيشدك ويطلع بيك
مين كان بيفكر فيك
ومين كان خاسيس وجبان
مين سابك ومين شمتان
ومين بوقوعك كان فرحان
مين لركوعك كان عشمان
ومين عليك في. الشده اتكبر
مين معاك في الصعب اتغير
مين احتاجته وفكرته كبير
وجريت عليه لاقيته صغير
انا كنت في توها انا كنت في غفله
مش عارف افرق بين الناس
ولا مين حبيبي ولا مين صاحبي
ولا مين كان لاصله اساس
الف شكر ليك يازمان
كل واحد باصله اهو بان
اتالمنا لكن اتعلمنا ان الانسان
من غيراصل مش انسان
تحياتي للجميع
محمد اسماعيل هلال