مجلة فضاء الفكر سما الشعرلوردة الشام الشهباء

** قصيدة ** البعد عنهم غنيمة **
كلمات الشاعر \ علي عفيفي
****************************
البعد عنهم غنيمة 
*********
كان نفسي يكون جوا في صدري حتة صلصال 
تقدر تتشكل زي طباعهم في فراق ووصال 
تقدر تتناسب على كل الأشكال 
ما أنا قلبي تعب واتبدل حاله لأسوء حال
تعبتني الدنيا بأحوالها والقيل والقال
واللي كنت بخاف عليهم هان عليهم
وباعوا قلبي بالرخيص من غير فصال
واللي جبت عشان عنيهم الدنيا ليهم
همي منهم فوق كتافي عدى جبال
نفس السؤال من غير جواب
ليه دمعتي منكم حزينة
هو أنتوا مش كنتم أحباب
ولا النوايا كانت لئيمة
قلبي اللي كان ليكم محراب
دلوقتي مجرم وله جريمة
والصحاب مابقوش صحاب
مسكوا سيرتي بالنميمة
بس السؤال كان له جواب
البعد عنهم أكيد غنيمة
البعد عنهم أكيد غنيمة
بقلمي #علي عفيفي