$$$ البنكنوت $$$
للشاعر /صابر الشناوي
* * *من قلب آهات الأنين
لعيون مجرات اللقي
كل الأماني متشوقه
من قلب واقف ع الرصيف
قدامه بس سكتين
يا أي حاجه توصلو لسكتك
يا إما حبل المشنقه
دنيا آسيه مفرقه
بكتب لقلبك كلمتين
وأحلف بشوقي والحنين
وكل نبضه حستك
من دم ماشي ف الوريد
محقون فيه عشق محبتك
من عين نظرها كان ضرير
كل اللي شيفاه قبلتك
من قلب رافض يستجير
بأي حاجه غير عنيكي
وبتسعده لحظه لقي
* *. *
مبقتش شايف في الطريق
غير دمعه مني قريبه
وعيون مكحله الحنين
لحجات كتير مستغربه
وآهات ألم وسعات أنين
لقيتها مني مقربه
وبواقي حبه ذكريات
على عمر فات منه الصبا
دلوقتي شايفه شيخ عجوز
مادد إديه طالب هبه
علشان شويه بنكنوت
لازم يموت كل اللي
فيه من أورده
دلوقت فهرست القاموس
بالفلوس تقدر تنول الأفئده
أما القلوب الطيبه هي كدا
* * *
طب وانت ليه مستغربه
منت اللي كنتي موحده
بكل آيات الغرام
في غير وجود الأوليه
وانت اللي كنتي عابده
وساجده دايما في المقام
في إنتظار مني الرضا
وانتي اللي قولتي
الحب أبدا مش سكوت
الحب حرب يا حياه
يا إما موت
الحب بيولد شجاعه
ومفهش أبدا أي خيوف
وانت اللي قلتي
إن الفلوس ما تساوي
عندك أي شئ
وهعيش معاك رغم الظروف
دلوقتي ليه بتقولي الظروف
وأصل الحياه يلزمها
حبه بنكنوت
* *. *
نصيحه من قلبي
اللى حبك
بلاش تخلي قلبك يموت
لإن بيوت الحب
إللي حيطانها بنكنوت
أضعف كتير
من بيوت العنكبوت
* *. *
ليست هناك تعليقات:
إرسال تعليق