مجلة فضاء الفكر سما الشعرلوردة الشام الشهباء

......شفت الواد.......
(((مشاعر ❤ أم)))
شفت الواد غَلِبني
وبعِندُه.......بيأدّبني
بيشد قصادي كأني
من سَنُّه وبيعذبني
بيرد ........بقلة أدب
وكلامه كله....بغَضَب
يظهر إني.....استاهل
وطيبتي هي السبب
❤❤❤❤❤❤
دنا من زعلي.....بكيت
وقلت له سيب البيت
دا ياما استهتر.......بيا
إكمني عليك.....خبيت
شوفلك حل معاه
إنشالله تكسر عضمُه
أنا مش حِمل غباه
الواد دا ماعُدتش أمه
❤❤❤❤❤❤
دا بيغلط مايهموش
ويزعق....مايهموش
لو حتي تطَلَع عينه
عمري عنه ماأحُوش
راح اسيبه عشان يتأدب
لو تضرب والا تعَذِب
عن نفسي أنا مش هاتدخَل
وكأني ماأعرفهوش
❤❤❤❤❤❤
ناديت له عشان أربيه
ومسكت في ايدي حزام
قالت لي بلاش تأذيه
خلي التهديد بكلام
بصيت أنا بإستغراب
وقفلت علينا الباب
إكمني شايل منه
ولابد يكون فيه عقاب
❤❤❤❤❤❤
ولسه باقول يامسهل
لاقيت اللي بتتوسل
ودخلت تحجز بيننا
وقالت لي انا هاتحمل
علي قد ماهو غبي
لكن طيب غلبان
بلاش تضربه والنبي
اهو قالك انا غلطان
❤❤❤❤❤❤
انا ايه خلاني اشكيلك
واشوفك نازل ضرب
حرمت خلاص أحيلك
وإعتبر الشكوي دي كِدب
خلاص هارضي بقسمتي
واسكت وامنع شكوتي
عشان ماألقاش كلمتي
بتعلن بينكم حرب
❤❤❤❤❤❤
أنا عندي وجوده أهم
من غير مايعاني ألم
وإن كان علي شيل الهم
أنا راضية عشان أنا أم
مشاعر ❤❤❤ أم
الشاعرالغنائي 🌹 شرف الدين فاروق أحمد