(فينك انــت.. يا بن عمى )
مهداه لروح المرحوم / بحمودة النسي
**************
يـا بـن عمى..... يا نـن عيني
يا تاج مرصع ...
فوق جبيني
يا أغلى حته.. فى مهجتى
وف كبــدتى .... وف دنيتى
ويا نبع باشرب ... ..
منه دِيني
مهما أكتب .. عن ضحكتك
عن رسمتك ...عن طلتك
والله ما قادر
أوفى دَيني
يا بن عمى... . يا نن عيني
ليه تسافر
وليه تسيبنى فى
دنيا تانى
ما أنت ياما كان تقوللى
قـوم وعـافر
واوعى حد .. تقوله كـافر
أو حتى تغريك الأماني
كان تقوللى
كل حاجة .. يا بن عمى
راح تروح ...
حتى روحنا
يوم خروجها مش هتفضل
غير ثوانى
ورحت فجأة ... يــا بـن عمى
مين يشيل دى الوقت همى
ومين يقول
إنو غلاوتك جوه قلبي
من غلاوة
الحاجة أمى
لما إنت
راح تسافر.. بس ليه ماقولتش
وانا كنت
أفديك بدمى
كنت قلت انك خلاص
وانو عمرك يــا بن عمى
زى بسكوت الفصاص
وانك إنت .. رح تغادر
كنا قلنا ..إنو ربــك
هو قــادر
يبتدى بينا الرصاص
وانو روحنا
قبل روحك راح تبادر
كان ساعتها القلب يفرح
انو لسه
فى دنيا تاني .. باقيلنا مطرح
قل لى بس يا بن عمى
كيف يموت
صاحب الوجه الجميل ؟
وكيــف أشيل
هم طارح ... جوه صـدر
مريض عليل ؟
قل لى بس كيف يموت
ابن الأصيل ؟
وكيف يعيش بحسابنا إحنا
البخيـل ابن البخـيل ؟
قل لى بس كيف يموت
الصديق والرفيق .. والزميل ؟
قل لى بــس كيف وكيف
يموت
أخــونا العفيف ؟
ويبقي عايش فى زمنــا
صاحب المخ الخفيف
ويبقي شايف
كل حاجة الكفيف
وتبقي كـــل أســود غابتنـــا
اسمها القط الأليف
يـا بــن عمى
كيف أقول لك
ليه تسيبنا ؟
تقوللى ده
كان غصب عنى
وكيف أقول للحاجة نوره
سيبيه يا خالتى
يزور عياله
تقول لى... لأ
سيبه يا بنى جنب منى
************
حمودة المطيري
عضو نادي أدب ثقافة قوص – قنا
ليست هناك تعليقات:
إرسال تعليق