يا خوفي لا روحه بلا راجعه
واموت يامه ولا أرجعش
يا واد متخافش
بإذن الله تروح يابني
وترجع ليا زي الوحش
ولو روحه بلا راجعه
فيكفي تكون رجوع لله
ياولدي الموته لو جاتلك
خوش وخدها ب الأحضان
وخد طلق العدو في صدرك
يكون موتك يا واد م أحلاه
وأوعي تخاف ياواد م الموت
ما خاف موتهُ ده إلا شيطان
ولو خوفك يا ولدي عليا
ف متخافش لو جاني حد يعرفني
بإن حبيبي مات في الحرب
صدقني ماراح يلاقيني
هيسبق حسي كل الناس
وقلبي يموت ياولدي عليك
لكنه ياواد يموت فرحان
ونتقابل أنا وإنت
في ظل إله قدير رحمن
وندخل جنتهُ الواسعة
وهناك نشوف نبينا الزيين
وهناك نعيش مع العدنان
(((.. مصطفى دسوقي..)))
ليست هناك تعليقات:
إرسال تعليق