للذكرى
لو كنت سبت البلح
ع النخل لما طاب
واخد كفايته وربا
وعقد حلا وته وداب
وصبرت لما استوى
وداريت عليه بحساب
وبعدت عنه الهوى
لا يبعتروا فى تراب
وحفظت له فطرته
لا يهجنوه اغراب
واخدت جارك سند
يراعيه فى وقت غياب
كان سهل لك تجمعه
وقطافه يبقى ثواب
وبدون مشقه وتعب
تجنى المراد اسراب
تنعم باطيب ثمر
وتفوز باحلى شراب
لكن العناد العفي
وغرورك الكداب
ولبس ثوب التعالى
وحصارك الابواب
لا تركت منفد لهم
ولا راحه فيك لجواب
كأن وحدك بها
والباقى كله اغراب
وانت الوحيد الزكى
ودرست كل كتاب
بايديك كشفت الغطا
ما رعيت لبكره حساب
كل المخبى انكشف
ولا عدشى شىء فى جراب
ايه اللى لك تحصد ه
ياريت تلاقى سراب
===============
قطعت ليه السباطة
وهى صيص اخضر
لا طاب معاها الثمر
ولا سرك المنظر
حاول الكتير هضمها
لكن بتتحجر
لا الحلق قادر لها
وانت بتتجبـــــر
واللى فضل منها
اند ا س ا و ا تبحتر
ليه فى عنا د ك قوي
ولســا ك بتتكبــــر
ان كنت شاطر اوى
فيه الكتير اشطر
ضيعت نفسك وضاع
اللى معاك فكر
واللى كمان صدقك
وكان وراك ابصر
حب الانا والذات
جعلك خطا اكبر
واتنحى كل سماح
عن ذنب ليك يغفر
والشىء ما تتعب فيه
هيضيع على الطبطاب
احمد محمود عوض سعيد
الرحامنة / فارسكور / دمياط
ليست هناك تعليقات:
إرسال تعليق