سكه رجوع ( 211 )
......................وفضلت أسأل في الليالي
ليه غرامي ما أكتمل
وأنا اللي بسهر بشكي حالي
للنجوم عندي أمل
تكون يا قلبي ما روحتلوش
دقك نسي ولا سمعوش
إزاي يا قلبي ما شغلتهوش
ولا حس بيك ولا شوفتهوش
طب راح ده فين
ده اللي مدوبني
خدني هواه على شطه سابني
لا أقدرت أعرف فين طريقي
وتعا يا حلم عشان يجيني
جوايا شوق سهر عيوني
والقلب دقه ما نيموني
لا إرتحت من ناري لغيابه
والفكر خدني لحد بابه
بستنا نسمه تناديهوللي
وأبعت له همسه تشوفه عيني
جيرانه قالوا دي صبيه
هواها جابها لسكه تانيه
مسكينه حظك ليه قليل
ودق قلبك مش دليل
اللي في غرامه سهرتي ليله
اليوم زفافه لوحده تانيه
سبقيتني عيني بالدموع
وبدارى وجعي في الضلوع
وجريت أعاتب في النجوم
دليني فين سكه رجوعي
سكه أمل من غير دموعي
بقلم .. صبري رسلان
ليست هناك تعليقات:
إرسال تعليق